تجاوزنا الإكتئاب ,,,


بسم الله الرحمن الرحيم



موضوعي اليوم يعتبر تابع ل موضوعي السابق عن الإكتئاب اضغط هنا لمشاهدته ,, جتني رسايل لا تعد ولا تحصى من مصابين بلإكتئاب أو من ذويهم .

طُلب مني أن أذكر تفاصيل أدق عن تجربتي بالرغم من شعوري إن ما ذكرته كافي وما عندي المزيد من التفاصيل ولكن حاولت إني أقدم أكثر وطلبت مساعدة من أشخاص تعرضوا للإكتئاب  وسعوا وحاولوا العبور من التجربة ونجحوا فاللي بأذكره بهالتدوينة يشمل تجربتي وتجارب الأخرين .



وراح أضيف أشياء هنا كل فترة وفترة لتطوير المحتوى لذلك إي شخص يمتلك فكرة أو قصة تفيدني أضيفها يراسلني على ايميلي hs.asma93@gmail.com

اتشرف بجميع التجارب والقصص ولكن غالبأ راح أذكرها بصيغتي

" الموضوع طويل في حال ما كنت مهتم "



ملاحظة : 

 1- هذا لا يعني الإستغناء عن إستشارة طبيب متخصص 
2- الأفكار اللي راح اطرحها اختار منها اثنين أو ثلاث وأستمر عليها 21 يوم الى ما تتقنها وتصير روتين ,, لكن حماسك الزايد بتنفيذها كلها ومحا يكفيك الوقت راح يحسسك بلإحباط وتتوقف عن مساعدة نفسك ويزيد عليك الإكتئاب إذا شعرت بلإحباط .
3- اللي يعجبك ويناسبك أستمر عليه واللي تحس إنه يزعجك لا تستسلم من اول مره مع الوقت بتحبه او تلقى له بديل .
4- اللي يأثر في شخص بسرعه يأثر بشخص أخر بشكل أبطى بلأخير أنت تعرف ايش يناسبك وقد ايش يحتاج وقت.

راح أبدأ الأن على شكل نقاط بعضها نصايح وبعضها أفكار و,, وتذكروا أن بدون تطبيق هالكلام ماله أي قيمة .. وراح أذكر أمثله من تجربتي عشان توضح المعنى لأغلب الفقرات :



1\ لا تسمح لأي كائن من كان ان يقولك إن الإكتئاب وراثي أو مزمن أو ماله علاج أو علاجك مستحيل  أو حتتعالج وترجع تنتكس هالكلام كله فاضي فاااااااااااااااضي .. اللي يصير مع الأغلب إنه مجرد ما يتحسن وينبسط يترك كل شي ساعده من عوامل داخلية او خارجية أكيد بيرجع ينتكس هذي نتيجة طبيعية لأهمال الذات , اللي لازم تعرفه إن بعد ما تتحسن لازم تحمد الله وتستمر باللي تسويه وتطوره يوم ورا يوم وتهتم بنفسك كأنها طفلك المدلل,, الأن أنا ولله الحمد والمنة لي سنتين ونص تقريبا من تعالجت بس أبدا ما اهملت نفسي ولسا أبحث عن كل شي يخليني أحس بشعور حلو وجميل سوا استقرار داخلي أو عوامل خارجية أعرف انها فادتني أو بتفيدني ,

بطرح هنا امثلة لأنه موضوع ضروري ومهم ..



أول شي العلاج اذا كنت تاخذ أدوية وبمجرد ما تتحسن تروح تتركها من كيف مخك؟؟ هذي مواد كيميائية لها طريقة عمل معينه ولها أعراض جانبية لمن تترك الحبوب إستشير دكتورك واتبع تعليماته في طريقة التدرج في ترك العلاج .

ثانياً اذا كنت مستمر على اي انشطة كنت تحس انها ساعدتك مثل الرياضه او قرأة او ابتعاد عن اصدقاء او او او بعد ما تتحسن ما ترجع لنفس عاداتك القديمة ,عاداتك القديمه هي اللي جابت لك الإكتاب فلمن ترجع لنسختك القديمة لا تستغرب رجوع الإكتاب ؟؟؟؟

تذكروا دائماً ان مافي مرض الا له علاج وله حلول ..كيف ؟؟ احنا نجرب ونطبق ونساعد نفسنا أو نتوجه لأحد يساعدنا لكن الحل موجود يحتاج إرادة



2\ وفر لنفسك دفترين دفتر يكون للفضفضة وللتفريغ , ابحثوا عن طرق التفريغ الصحيحة وكيف أن فعلاً هالتفريغ يفيدك خلال التفريغ اطرح وأكتب عن كل شي "ليش" و " كيف "؟ راح تطلع معك إجابات لأشياء مخبيها ومو قادر تعترف فيها لنفسك, لا تتجاهل هلأفكار فكر فيها وأعترف فيها كل ما خرجت الأشياء اللي بالعمق كل ما زادت فرصة إنك تكون إنسان متزن ,طبعاَ اي تفريغ لازم يتم التخلص منه على طول سوا تقطع الورقة لقطع صغيرة أو حرقها ,, خلال التخلص من التفريغ يجب يكون عندك إيمان أنو انت فعلاً فرغت وخففت من اللي جواتك وان كل اللي كتبته انت فعلاَ جالس تتخلص منه .

الدفتر الثاني يكون ثابت ودائماً معك تكتب فيه نعم الله عليك وأي شي بسيط حلو مر بيومك , مثلا شخص قالك كلمة لطيفة وحلوة لازم تحتفظ فيها , احد جاب لك قطعة شوكلاته هذا يسمى "بلإمتنان" تعلموا الإمتنان.. سموه دفتر" الإمتنان " حليت بإختبار كويس او صحيت ومزاجك رايق لازم هلأشياء لازم يتم تسجيلها لين ما يصير طبع فيك إنك تشوف النعم اللي بحياتك. لانو الإكتئاب يخلي الشخص ما يشوف اي شي حلو بيومه فهالطريقة تساعدك إنك تبدأ تشوف الخير بحياتك وتصير تحمد الله " بالحمد تزيد النعم "









2\الرياضة الرياضة الرياضة الرياضة الرياضة الرياضة الرياضة

شفتوا كم مره كتبتها؟؟ حطوا تحتها مليوووون خط , انا وجميع اللي أرسلوا لي قصصهم لا تخلوا من عبارة الرياضة كانت متنفس لهم وكانت ملجئ لهم من كل ضغوط والتوتر والقلق والعصبية كلها تحسنت بنسبة كبيرة أو اختفت بفضل الله ثم الرياضة .

ابحثوا بقوقل واليوتيوب عن فوائد الرياضة النفسية والبدنية انا هنا أذكر لكم تجاربنا الباقي عليكم

العبارات اللي جتني عن الرياضة " الرياضة خلاصي" "الرياضة متنفسي" " الرياضة متعتي وسعادتي" "الرياضة زادت ثقتي " "الرياضة خلصتني من الخوف صرت شجاعة "



لا انكر ان فترة اكتئابي كنت اتمرن وأنا أبكي مابي هههههههه بس كنت عارفه إنو بعد ما اخلص بتتحسن نفسيتي واروح أتحمم وأشرب عصير تكون نفسيتي تغيرت 180 درجة بلإستمرار يوم ورا يوم تشوفوا فعاليتها ومعد تستغنوا عنها .



3\ جتني رسالتين يقولون جربوا قراءة الروايات وانها ساعدتهم بتخفيف التفكير الزايد والقلق من الحاضر والمستقبل  وزادت محصلتهم اللغوية وهالشي ساعدهم بالتعبير عن مشاعرهم بشكل أفضل .



4\  البكاء شي جيد لكن" حطوا تحت لكن مية خط " لمن تكون واعي ليش تبكي؟؟؟؟ في بكاء لتفريغ وبعده راحة ولكن في ناس تبكي عشان تتلذذ بلألم وهذول البكاء ما يفيدهم بالعكس يسيء حالتهم لانو يبكون عشان يعيشون الألم مو عشان يفرغون الألم ..



5\ الرسم كثير فادهم الرسم حتى لو ما كنتوا مبدعين بالرسم او يمتلكون الموهبه , مجرد مسك الورقه والقلم جرب ترسم حتى لو بشكل عشوائي او جيبوا اي رسمه وقلدوها لو بشكل بدائي راح يزيد تركيزكم .



كمان التلوين تابع للرسم في دفاتر تلوين للكبار كثير تساعدكم بتخفيف التوتر والعصبية وزيادة التركيز , لممن بديت أنا بالتلوين كنت أعصب زيادة لأن الصبر عندي ضعيف لكن استمريت لييين ما صارت اعصابي أهدأ .



6\ ابحثوا عن اي هواية او شي يشغل وقتكم , لمن تشغل وقتك ما يكون في وقت للأفكار السوداوية واللي تسرق لحظاتك وشبابك .



7\ تغيير الأصدقاء ,, ايوا تغييرهم لا احد يقلي هالشي مو إنساني أو وين راحت صفة الوفاء ؟؟, ربي خلقنا بالحياة عشان نتجدد ونبتعد عن الأذى مو نمرض نفسنا , ربي حيسألك يوم القيامه عن شبابك؟؟ حتقول كنت اجلس مع ناس يأذوني نفسياً؟؟ مع ناس ما يحترموني؟ مع ناس يعكرون مزاجي؟ ويخلوني قانط من رحمتك وانسى نعمك عليا؟



في فرق بين تبتعد عن الأشخاص اللي ما يناسبونك وبين انك تقلبها عداوة معهم!! اذا الطرف بيقلبها عداوة بكيفه ,اللي صار معي  في صديقات تفهموا إنهم ما يناسبوني وفي اشخاص لا خلوني عدوتهم ولكن ما زلت اذا قابلتهم أسلم وأبتسم واضحك لكن اخترت ان هالشخص ما يكون صديق دائم ليا وبيومياتي وانا حره بتصرفاتي .

8\ التأمل : تعلموا تقنيات التأمل من النت,, عدد سنوات عمرك حولها لدقايق وهالوقت لازم تسوي فيه تأمل تعزل نفسك عن كل شي من جوال من أشخاص .

مثلاً عمري 24 سنة كل يوم أخذ 24 دقيقة وأنسدح وأغمض عيوني وأحاول ما أفكر بأي شي نهائياً طبعا بالبداية صعب , انا حطيت بيدي خاتم التسبيح وكل ما طرت فكرة بيدي اضغط واحاول اطردها وارجع اركز , اول يوم تقريبا طرت على بالي اكثر من 50 فكرة وعانيت وانا احاول اصفي ذهني واختلي بدون اي افكار ومع الوقت وصلت الان انو يطري ببالي فقط 7 الى 10 افكار خلال ال24 دقيقة واطردهم بسرعه قبل أتعمق فيها وأبحر , هالطريقة جدا جدا فعالية بتوازن الروح .



من الشغلات اللي تساعد على التأمل هي ممارسة اليوقا في قنوات كثير باليوتيوب بالعربي والانقليش تساعدكم بتعلم اليوقا من الصفر .



9\التسامح ,, لازم تتعلم التسامح في فرق برضو بين النسيان والتسامح مثال : في معلمة درستني بأول وثاني متوسط كانت تدرسني مادتين ولمده سنتين كانت تكرهني والله اعلم ايش السبب ومهما كنت قد غلطت مفروض ما تحقد على مراهقه , المهم اني كنت شااطره والأولى على البنات ومع كدا ما تطالع فيني ولا تناظرني وكانت تسأل خلال الشرح ومحد يرفع يده الا انا ولا تخليني أجاوب , الكل كان ملاحظ ويقولون لها : استاذه اسمى رافعه يدها برضو تطنش وتجاوب هي على سؤالها هذي القصه باختصار ,, على الرغم من اني كنت شجاعة ولا كرهت المادة ولا نقصت فيها بالعكس اخذت بالمادتين 100 بكل السنتين ,, الا من جوا كنت انقهر وابكي ,, كبرت ونسيت وصرت اذكر السالفة ك موقف مضحك اني ارفع ضغطها بشطارتي ,, بس لمن فكرت بعمق اكتشفت اني ما سامحتها مجرد نسيت شعوري وقتها .

طبعاً في أمثلة كثير بس هذا مثال يوضح الفرق بين النسيان والتسامح النسيان يصير بشكل لا إرادي أما التسامح يكون إختياري , طريقتي بالتسامح كل اسبوع اتذكر شخص او اثنين من اللي أحس اني ما سامحتهم حتى لو بطفولتي وعمري 5 و 6 بس اتذكر جرحوني وأقرر إني أجلس أدعي لهم أسبوع كامل يعني وانا بصلاتي بعد ما ادعي لنفسي أدعي لهم " ربي اغفر لفلانه ووفقها واجعلها من نسائك الصالحات وتوب عليها وإجعل قلبي طاهر ومسامح لها "





10\ الأكل الصحي والنظيف ,, جربوا شهر تبتعدوا عن السكريات والغازات والدهون خصوصاً المهدرجة والأكل المقلي وشوفوا قد ايش يفرق معكم بالنفسية وتحس حالك خفيف , غير إن راح ينقص الوزن ويصفي البشرة وهالشي أكيد يعود للنفسية بتأثير جميل .



شرب كمية مناسبة لجسمك من الماء لازم جسمك يرتوي عشان كل الخلايا تقوم بوظيفتها على أكمل وجه ويساعد جسمك بعمليات الإخراج للسموم من جسمك.



الإكثار من أكل الخضار والفواكة بشكل يومي .



11\كسر الروتين والخروج من منطقة الراحة يعني لازم كل اسبوع تسوي شي تتوقع دايم انو مستحيل تسويه او ما تبغى تسويه أو تخاف منه أو متردد ,



مثلا كنت دائماً أأجل موضوع إني أفتح مدونة أو أكتب موضوع فيها لين ما تحديت نفسي وقلت جواتي " المدونه اذا صارت حلوة او مو حلوة انا مو خسرانه شي " أهم شي إني جربت وحسيت بالشعور الجديد والحمدلله وصلت مشاهدات مدوني 25 الف ,

وكسرت حاجز منطقة الراحة لمن كتبت قصتي مع الإكتئاب في حين كان الأغلب يقول إنها فكرة سيئة بس عكست كل شي وكتبتها وأحس بفخر بنفسي لأني تحديت نفسي وساعدت غيري لذلك لا تستهينوا بأي فكرة في بالكم نفذوها وبس وخفضوا  اهمية النتايج نفذوا فقط للتجربة .

الخروج من منطقة الراحة حتى بالشغلات البسيطة مثلا متعود دائما تنسدح على سريرك بجهه معينه قوم بتغيير هذي الجهة , مفرش سريرك له اكتر من سنه لازم تغيره, متعود تقرأ بالمكان الفلاني لازم تغير مكانك , متعود تطبخ اطباق متكررة من صغرك قوم بتجديد هذي الاطباق غير استايل أكلك ولبسك , غير ترتيب الأثاث بغرفتك كل 3 شهور



كسر الروتين بكل شي جرب تأكل أشياء ما اكلتها من قبل .

او تغيير استايل الشعر واللبس , تغيير العادات والذوق بلأكل . تعلم موهبة جديدة



12\ النظافة والروائح الحلوة دايم أحرص على نظافتك  الشخصية حتى بينك وبين نفسك , دايم غرفتك نظفها وبخرها وعطرها , دائماً خلي نفسك بالمنظر اللي تبغى الناس يشوفونك فيه وعامل نفسك بحب وأهتم فيها .





13\ الأعمال التطوعية والخيرية اللي ما تنتطر من وراها شهادة ولا ريا مو لازم أحد يدري عنها عيش الجو فيها حتى تستشعر العطاء والأعمال تطوعية لها أوجه كثير : منها التبرع بالدم

ذكرت هند قبل يومين بحسابها  بالتويتر @hind2ahmad
عن طرق للتطوع غير الجمعيات على هذا الرابط  https://twitter.com/Hind2Ahmad/status/933432341527187456

https://twitter.com/Hind2Ahmad/status/933432341527187456https://twitter.com/Hind2Ahmad/status/933432341527187456



14\ الحجامة وما ادراك ما الحجامة ,, بصراحة تجربتي معها جداً جميلة ,, تغيرت نفسيتي وتغير النشاط بجسمي وأحس إني خفيفة  يعني بالعادة تمر علي كل شهر يومين او ثلاثه تكون نفسيتي سيئة لكن لمن عملت الحجامة 3 شهور متتالية ما تغيرت نفسيتي إلا تقلبات المزاج  العادية اليومية وقررت إني استمر عليها كل ثلاث شهور وراح انزل مدونة أحكي تجربتي بالتفصيل إذا إستمريت عليها لمدة سنه بإذن الله.



طبعاً في مراكز كثير تابعة ل وزارة الصحة تعمل حجامة تقدروا تبحثوا عنها بموقع الوزارة لكن تجربتي كانت مع ثنتين :

الأولى ام يوسف سعودية  : تروحين لها زي العيادة بسيطة ما تيجي البيت تسوي لك 5 كأسات ب250 ريال  وأي كاسة زيادة ب50 ,, اسلوبها لطيف لكن أشوف سعرها جداً غالي مقارنة بالعيادات .رقم جوالها 0506760503





الثانية ام ابرار اندونسية : تروحين لها ب200 ريال او تجي عندك ب 300 واذا كنتوا اكتر من وحده بتجي لكم الوحدة ب250 ,, جداً لطيفة تجربتي معها اكثر من ممتازة ,  جت عندي البيت شغلها نظيف وفاهمه وسوت لي 14 كاسة ب 250 ريال , والمره الجاية برضو راح اطلبها بإذن الله . وتعمل مساج ازا تحبي " اهم شي " رقم جوالها 0502647177



"" دعايات غير مدفوعة ""



15\ تواصل مع أصدقاء قدامى وتجديد العلاقات , إقامة علاقات مبنية على الوناسة ومشاركة الأهداف والألعاب .



16\ التغيير الفعلي لكل شي حولك , كثير يكلموني بالتويتر او يطلبون رقمي وأكلمهم واتس وأشوف صورة العرض والتغريدات والمضافين عندهم كلها دراما بدراما وسوداويه بسوداوية, كيف تبي تخرجين من الإكتئاب وأنتي تتابعين كل هالتغريدات الحزينة وتعبيراتك كلها كئيبة وصورك كلها سوداء ومليانه دم وجروح وحزن وإنكسار ؟؟؟ اللي تسمع وتقرأ بس أشعار حزينة وخيانة وتقول ليش حبيبي خانني يختي أنتي خنتي مشاعرك وعايشه بذا القلق ما تبينه يخونك؟

طالعوا بملابسكم؟؟ بجايمكم؟ حتى ملابسكم الداخلية ,, ايش الوانها؟؟ ايش الرسوم اللي فيها ؟؟ اسود وبني وغوامق ؟؟ طيب تعرفون انو في ناس يتعالجون بلألوان ؟؟؟؟؟؟؟؟؟؟؟؟؟؟؟ لا تستهينوا بالموضوع غيروا ملابسكم وأدواتكم وأقراوا عن تأثير الألوان وحتى لو تقدروا تغيروا لون جدار غرفكم بيكون أفضل وأفضل .

التويتر عندكم حلين اثنين يا اما تحذفون كل تغريداتكم وتغيرون صورة العرض والهيدر وتغيرون الناس اللي تتابعونهم وهذا حل ثقيل دم لأنو مافي موقع موثوق وبسهوله يحذف كل شي أنا جربت كذا واحد يحذف حق اخر سنه او 6 شهور والمتابعين تجلس تختارهم واحد واحد تحذف ,, الحل الثاني الأسهل واللي يبين إن قلبك قوي ومتحمس إنك تكون إنسان غير هو إنك تحذف حسابك نهائياً وتفتح صفحه جديدة بحياتك بالسوشل ميديا وتقرر إنك ما تتابع أكثر من عدد معين ليش ؟؟ بالفقرة الجاية









17\ زراعة نباتات أو الإهتمام فيهم , أو إهتمام بحيوان أليف , ممكن تهتم بأحد أفراد أسرتك قرر واختار وأحد وقرر إنك تغير تعاملك معه ويفضل يكون امك او ابوك أهتمام بتفاصيلهم الصغيرة كل يوم قول بإيش اقدر أسعدهمم اليوم؟ ارسل رساله جيب لهم موية , سوي لهم مساج , سوي لهم أكله أو سناك يحبونه , قدم لهم خدمة يحبونها قبل يطلبونها ,

اذا عندك طفل أو أطفال بالعائلة خصص كل يوم ربع الى نص ساعه تقعد معهم بكل تركيزك بدون اي شي يشتتك عنهم او تنشغل بتصويرهم لا خلك مركز معهم فقط.



18\ قراءة ورد يومي من القرآن بصوت مسموع قد ما تقدر يكون بصوت مسموع عشان كل حواسك تستشعره ,

الالتزام ب سورة البقرة لها أثر بتحقيق الأهداف ونسف المخاوف والمعتقدات اتجاه اي شي تتمناه كيف؟ العلم عند الله , لكن لها قدرة عظيمة تبارك الله في تيسير حياتك وشفائك وبعد شفائك تشوف البركة والسعادة  والهدوء النفسي والإلهام والثبات والثقة ,ترتب حياتك وتنظمها ,كل العوائق تختفي كل أمانيك تتحقق إقرائها فقط بثقة  وابحثوا بالنت عن قصص وتجارب الناس معها " سورة البقرة اخذها بركة وتركها حسرة " اذا ما تقدر تقراها كل يوم ممكن كل يومين او ثلاث ايام تختمها , تاخذ بالبدايه ساعه ومع الوقت يلين لسانك فيها تصير تخلصها من 30 الى 40 دقيقه .



الفترة الاولى تكون ثقيلة على القلب وتثاوب ودموع ونعاس لانو الجسم مو متعود على كمية السكينة والبركة اللي فيها بس الزموا الصبر



19\ الأذكار بجميع أنواعها , الالتزام بأذكار الصباح والمساء

-لا إله إلا أنت سبحانك إني كنت من الظالمين " بدون عدد "

-لا حول ولا قوة إلا بالله 100 مرة

- الحمدلله  "بدون عدد "

-الإستغفار 1000 مره





20\ \ تخفيف وتقليل من الوقت على السوشل ميديا ويفضل توصل لمرحلة إنه شي ثانوي بحياتك , راح أتعب وأنا أشرح لكم قد إيش هالشي مهم بحاول أقرب لكم بأسلوبي ,, كثرة البقاء على السوشل ميديا تخليك تنفصل عن ذاتك ولمن تبي ترجع لذاتك يصير الموضوع صعب وتكتئب , كيف؟؟ مخك يبدأ يعيش حياة السوشل ميديا حتى لمن تصور زاوية معينة من حياتك وتعرضها تصير تعيش بس بهالزاوية وبس عايش وتتغذا على أرائ الناس وتفكيرهم وتشوف نقاشاتهم وتدمن على الجهاز لدرجة تصير حياتك ومشاعرك واحاسيسك وأرائك وكلامك وافكارك كلها بهذا الجهاز تفقد القدرة على انك تتصل مع ذاتك ومع الناس بمحيطك , تصير تنفر من اهلك وتفكيرهم مو قادر تتصالح معهم لأنك ناسيهم وناسي كيف تتعامل معهم  نتسي كيف تلاحظ تعابير وجههم ونبرة صوتهم متعود على الايموجي والقراءة فقط وتكثر المشاكل معهم فتحس إن محيطك سيئ , تحاول تبقى لوحدك ما تقدر لازم تفتح الجوال . انصحكم تبداؤ بالتدريج تتركوا الجوال ساعه بعدين ساعتين بعدين ثلاث وتكون متواصلة خلال هالوقت اجلس مع نفسك وفكر وسوي خطط وإبدأ بتنفيذها



ممكن تستغلون هالوقت اللي بعيدين عن الجوال بتطبيق فقرة " 8" التأمل او فقرة " 2" الرياضة بحيث تترك الجوال بشكل كاااامل وتركز بالتأمل والرياضه واليوقا يعني تقدر تطبق كثييير من الأفكار اللي ذكرتها فوق بالوقت اللي تبتعد فيه عن الجوال.



كل ال19 فقرة اللي فوق تقدر تطبقهم وتقسمهم خلال يومك وأسبوعك اذا نفذت فقرة 20 لأنك راح تلقى الوقت اللي تصنع في المعجزات

كمان إبدا إحذف جميع التافهين والمشاهير اللي مافي فايدة من متابعتهم أو اللي فقط يعرضون حياتهم ويسولفون ,, في ناس يعطون فائدة بس صدقني لو الوقت اللي تقضيه في متابعتهم تقضية بقراءة كتب أو مشاهدة أفلام وثائقية أو بحث راح تكتشف إنك أحسن من عدد كبير منهم وراح تعرف المعلومة من جذورها وليس فقط القشور اللي يعطونك إياها .

فكر فيها هالشخص اللي يعطيك الفايدة أو تشوفه متحدث ممتاز او مثقف هل تتوقع هو صار مثقف فجاءة؟؟ لا هو يترك جواله ويقعد يقرأ او يبحث أو يتفرج ويبحث عن المعلومات بطريقتة ويغذي روحه وعقله ويجي يعطيكم معلومات بسيط من بحر الثقافه اللي عنده وانتوا مبهورين وووااااااووووو , أنا قررت أكون انا ال ووواااااووو وانبهر بنفسي ,



كنت بالسابق اتابع بالتويتر 1700 شخص وقررت إني معد اتعدأ 500 ,, يحتاج لسا ارجع اصفيهم قريباً

السناب كنت اتابع 70 بعدين صرت 20 بعدين 10  والأن صفر مافيش سناب وراح أخلي موضوع منفصل عن قيمة الوقت بدون سناب .



بعطيكم أسماء برامج للايفون والاندرويد تقفل جوالكم لعدد ساعات معين يكون بس يستقبل مكالمات ,



الايفون moment  هذا برنامج يحسب عدد ساعات بقائك على الجوال ويقفله لك لكن  خدمة تقفيل البرامج ب مبلغ يعني تشتري من الاب ستور الباقه اللي تبغاها ممكن يقفل لك برامج معينه بعد ساعات استعمال معينه .



الاندرويد عندك برنامج quality time  هذا يحسب لك كل برنامج بجاهزك كم قعدت عليه والساعه كم فقط .

اما برنامج DIGITAL DETOX  هذا مراا بطل تختار يقفل جوالك مثلا 10 ساعات بس تستقبل مكالمات , يعطيك مثلا 15 دقيقه مقسمه كل 5 دقايق لوحدها تقدر تاخذهم لضرورة يعني تطلبها  وبسرعه تدخل تكتب الرسايل المهمة او بتتصل ضروري لأحد و5 دقايق ويرجع لشاشه القفل ,, اذا خلصت الثلاث فرص وتبي تفتحه يسحب من رصيدك فلوس وهذا حافز انك تصبر لين يفخلص الوقت, ويقدم لك نصايح يقلك روح سولف مع احد روح ضم احد روح امشي او او  او



في برنامج استخدمته قبل يومين stay focused   تختار وقت ويقفل الشاشه وتجلس تخلص شغلك وهو يبني لك شجره او ورده عشان تجمل مزرعتك الصغيرة هو يعلمك كيف تحط وقت وتركز بشغل الوقت اللي انت تختاره





في برنامج ما استخدمته : time tracker











اكثر تعليق جميل جاني و مؤمنة فيه اشد إيمان إن مهما رحت لو ل 100 طبيب متخصص ومحترف وطبقت كل النصائح بس انت من جوا ما تبغى تتحسن راح يكون تحسنك فقط مؤقت . لازم أول شي تتخلص من شعور الراحة مع هالألم .

لمن ترتاح فترة من الإكتئاب ويرجع لك لا تحبط شي طبيعي يرجع كم يوم بس المهم تكون قوي في إنك تعرف كيف تتعامل معه مجرد ما تحس إنو نفسيتك مو تمام روح للأشياء اللي تعرف إنك تحبها وترتاح لها وبتغير مزاجك وتنقذك ,



اخيراً هذي المدونة حتكون متجدده بحيث ممكن بعد شهر تدخلونها تلقون إضافات وأفكار ,

أرجوا من أي شخص يقدر يفيدنا بمعلومة يضيفها تحت بالتعليقات







أشكر كل اللي أرسلوا لي إيميل وأفادوني بتجاربهم

بقلمي : أسمى الشهري












تعليقات

  1. الله يعطيك العافية ويجزاك كل خير ويبارك لك في أوقاتك

    ردحذف
  2. أزال المؤلف هذا التعليق.

    ردحذف
  3. لا زلت في مرحلة العلاج وباذن الله راح ارجع اعلق هنا بعد الشفاء التام

    ردحذف

إرسال تعليق

المشاركات الشائعة من هذه المدونة

كتاب " السماح بالرحيل "

الإكتئاب ,, يا أنا ,,, يا أنت

كتاب " الأنثى هي الأصل " للدكتورة نوال السعداوي