ASMA H. ALSHEHRI

بأعطيكم امثله للأهداف اللي حطيتها ل  2017 وكيف أحاول أقيم نفسي ,, واذا لسا ما انجزتوا زي وضعي تقدروا تروحوا لموضوعي السابق بيفيدكم من هذا الرابط ب2015 و2016 حطيت أهداف ما يكفيها مجلدات وللاسف كانت نسبة الانجاز اقل من 50 % هالسنة قررت إني أبسطها اكثر يمكن تحسون إنها كثيرة بس ترا أغلبها أشياء بسيطة ,, يلا إستمتعوا وأي أفكار إضافية وشغلات حلوة أقترحوا بالتعليقات ,, أول شي الجانب الروحي أو الديني ,,(اللي حيقول رياء كف على وجهك أخي أو اختي الاعزاء خذوا ما ينفعكم واتركوا اللي ما يعجبكم   ) 1-أنا حافظة سورة البقرة وثلاث أجزاء لكن حفظ ركيك فهدفي أراجع حفظهم وأحفظ 3 أجزاء ثانية.( راجعت حفظ سورة البقرة بس الباقي لا لذلك ببدأ من اليوم اسوي جدول تنظيمي لإتمام ولو جزء كبير منه ). 2- النوافل وصلاة الضحى والوتر أرغب إنها تكون جزء أساسي من يومي لذلك سويت جدول للإنتظام عليها .( الوتر صرت محافظة عليها بنسبة جيدة والباقي لا لذلك راح أبدأ أرتب وقتي أفضل وأعطي الموضوع حقه ) 3- عندي رغبة بمحبة الله لي ف قررت أبحث عن طرق لهذا الهدف .( لقيت بعض الطرق ومنها الحمد والامتنان لكل

كل شخص له أهدافه وطموحه وكل سنة وخصوصاً بداية السنه الجديدة يفكر بحياته ويقرر بعض الأهداف بس الأهم كتابتها وتحليلها وتقسيمها تلقون شرح لتحقيق الاهداف بمدونتي القديمة (  مدونة 2016 لتحقيق أهدافك ) بمدونتي اليوم راح احكي عن ايش تقدر تسوي ب3 شهور ونص عشان تكون راضي عن نفسك في ليلة السنة الجديدة ,, لأنو شعور جداً جداً جداً مرعب لمن تحس سنة راحت من حياتك وعمرك وما قدمت لنفسك اي شي ,, ومن اليوم عندنا 3 شهور و 15 يوم على 2018 ,, تذكر اذا انجزت 55% من أهدافك أو أكثر معناتو وضعك بالسليم لأنك تجاوزت النصف وهذا شي جميل ,, والسنة القادمة تحاول من بداية السنه ترتب أمورك وتزيد هذي النسبة ,, النفس البشرية أمارة بالسوء بلإضافه إلى نشئتنا اللي فيها بعض الإحباط   والأعذاااااااار اللي مالها أساس من الصحة ,, سبب كتابتي لهالمدونة انو قلت   في نفسي : "أوف وصلنا ل سبتمبر وأنا ما عملت داك الشي ولا دا ولا دا أووووف خلاااص راحت سنة 2017 على الفاضي وضيعتيها" " دراما كوين لمدة دقائق " بعدين صحصحت ورجعت أسمى اللي مو دراما كوين وقلت : خذي ورقة وقلم وأرجعي لأهدافك وأكتبيه